यस विद्यालयमा शिशु कक्षादेखि कक्षा १०सम्म अध्ययन गर्नु भएका भू.पू. विद्यार्थी तथा कक्षा १०मा अध्ययन गर्दै रहँदा ब्रिटिश आर्मीमा भर्ती हुनु भएको, भरतपुर २१, पूर्व रंगिला निवासी, पार्वतीपुर बजार निवासी श्री धनबहादुर सार्कीद्वारा रु. २,१०,००० (दुर्इ लाख दश हजार रूपैया) मूलधन बराबरको अक्षयकोष मिति २०७८ भदौ २५ गते शुक्रवार स्थापना गर्नु भएको छ । उक्त मूलधनबाट प्राप्त ब्याजबाट हरेक वर्ष पुस महिनामा अन्नपूर्णा मा.वि. पार्वतीपुरमा अध्ययनरत अति विपन्न वर्गका विद्यार्थीहरुलाई छात्रवृत्ति प्रदान गरिनेछ । उक्त अक्षयकोषको नाम वहाँको स्वर्गीय माता, पिता तथा ठूलो बुवा र ठूली आमाको नाममा "पूर्णबहादुर, हिराकुमारी, सन्तमान तथा रुपा सार्की स्मृति अक्षयकोष" भनी राख्नु भएको छ । उदार हृदयका धनी, अक्षयकोष दाता श्री धनबहादुर सार्की हाल बेलायतको हाउन्स्लो, लण्डनमा बसोबास गर्दै आउनु भएकोछ । हाल अवकाश प्राप्त जीवनमा समेत बेलायमा नै रही नेपाल वेलफेयर सोसाइटी यु.के.को सभापति, एनआरएनए यु.के.को एनसीसी मेम्बर आदि महत्वपूर्ण पदमा रही समाजसेवामा निरन्तर लागिरहनु भएकोछ ।

अन्नपूर्णा छात्रवृत्ति अक्षयकाेषमा सहयाेग प्राप्त